細個嗰陣非常唔鍾意足球，因為學校冇足球場，出街踢又驚俾人恰。不過其實一切都只係個借口，最大嘅原因係因為自己細細個已經係一個肥仔，費事叫人受埋自己踢波，驚跑唔郁俾人笑。
唔鍾意踢波自然唔鍾意睇波，每個禮拜日望住個電視轉播足球，口中喃喃詛咒點解唔播多啲小露寶。直至某天，萬分不情願地跟着哥哥到大球場看精工對南華大戰，尚記得首次看到胡國雄先生在場中馳騁時的那種震撼，自此以後，愛上看足球，本地的、英國的、意大利的，一律愛看。
看球賽看得多，對踢球的技術多了了解，但始終沒有膽量落場踢，少不免有些遺憾，幸好幾個年幼外甥都是足球發燒友，除了愛看球賽，更愛踢球。我家附近有一個五百呎左右的空地，小外甥經常叫我陪踢足球，想不到三十多歲人雙腳才開始真正接觸足球，好在睇波睇得多，踢起來也有紋有路。由於地方細，所以小外甥與我訂立了一些規例，龍門只有一個，一方射完一次球，另一次一定要盤球撞一撞另一方的牆才可再射門。地方雖然細，但戰況也算激烈，每次踢三十分鐘，一人出一身大汗，堪稱超小型世界盃。小外甥們很感謝我經常陪他們踢球，殊不知其實我更多謝他們，因為事隔三十年，終於有人肯受埋我踢足球。