眨吓眼咁快，專門報道警隊內部資訊嘅警隊刊物《警聲》，出年一月二十四日就踏入三十歲，睇番呢份喺七三年創辦嘅刊物，創刊號由當年嘅「一哥」薛畿輔寫創刊詞，中文版頭條係報道當年警隊試驗施行「報告罪案」嘅新方法，係當年警隊提高效率嘅突破措施之一。至於另一則新聞係講警隊研究新式槍袋，話呢款新槍袋令歹徒難以搶奪警槍；至於英文版嘅頭版就講到政治部督察李碧在喺長跑中奪魁。
不過，最令八方感興趣嘅喺原來當年嘅《警聲》頭版竟然有刊登廣告，分別係一則銀行廣告同洋酒廣告。八方諗，既然𠵱家政府財赤嚴重，財爺大叫要開源節流，不如《警聲》學以前咁賣廣告，幫補吓開支，講唔埋重可以有錢賺㖭。
傳真︰2623-9278
電郵︰