中環陸羽茶室發生懷疑殺手槍殺富商，一分鐘奪去一命，如果富豪聘用貼身保鑣，是否會捨命相救？保安公司保安顧問梁家驥指出，香港的私人保鑣沒有槍，生死關頭，要保鑣甘願為主人捨身擋一粒子彈，相信起碼要有相等於一千六百萬元的人壽保險，而且生命無價，他認為若無深厚知交的賓主情誼，很難「買得」保鑣生死相交之心。
梁家驥昨日中午與記者一同到「富豪飯堂」陸羽茶室觀察，他認為最安全的座位是向大門靠右最近走火門的一張枱，「靠牆坐唔使怕後面襲擊，旁邊有張畀客人等位嘅櫈，最啱保鑣坐喺度監視周圍情況。」（見圖）
曾任美國特種部隊游騎兵及陸軍降傘兵的梁家驥，曾在美國任私人保鑣，現於香港一間保安公司任保安顧問，「如果你問，要畀幾多錢保鑣先肯同你擋一粒子彈？五十萬？一百萬？生命係novalue（無價），老細要同你建立感情，當你係朋友而唔係夥計，你先會瞓身幫佢。」
他說目前香港頂級貼身私人保鑣，只有約共二十人，到底貼身保鑣何價？是否會捨命護主？梁家驥稱，古羅馬時代，已經開始有所謂僱傭兵，「佢哋保護阿歷山大大帝，就係用僱傭兵築成嘅圍牆保護佢。」現代保鑣與古代僱傭兵概念相類，「Igetpaidtodiesothatmybosswilllive（我受僱赴死，好令我的老闆可以生存）。」
曾經有富商向梁家驥問價，想聘請他任私人保鑣，他開列的價錢，除了有超過十萬元的月薪外，還要老闆替他購買保金達一千六百萬元的人壽保險，「即使係碧咸（英國著名球星）嘅保鑣都係呢個價，唔係在乎個名人富商值幾錢，係我覺得我哋條命值幾錢。」
梁家驥又強調，老闆若要確保自身安全，必須將私隱告訴保鑣：「我會問老細點解要請我；第二就會問佢肯唔肯放棄私隱，有幾多女朋友，佢哋屋企有乜人，我都要知。」
梁家驥稱，好的貼身保鑣，要替老闆做好一切風險評估，「例如我知佢近日有糾紛，喺佢到茶室前，我會先去留意陌生面孔，同夥計收風，必要時會問埋警方，最後可能會建議老細唔好去；如果佢唔肯放棄一些日常作息，don'taskmetoprotectyou（不要叫我保護你）。」
富商李嘉誠及賭王何鴻燊，都有私人貼身保鑣，到底有幾多頂級私人保鑣，在危難當前會為老闆擋子彈？梁家驥說：「呢啲私人保鑣可能喺任職軍人或是警察時，受過機械式訓練保護政要安危，但現時受聘私人重會唔會冒死救主，我實在唔知道。」
記者：冼麗婷、梁麗娟