國際電訊聯盟（ITU）二○○二年亞洲電信展又開鑼，呢幾日只供業內人士參觀，公眾要禮拜六至有得睇。呢個展覽係行內盛事，上次即係二千年嗰次有五百個參展商來港捧場，參加人數達五萬一千人，迫爆灣仔，有人租唔到酒店，結果要上深圳住，每日搭火車落嚟。
不過今年嘅情況冇咁好景，只有三百幾個參展商，但由於各個財團覬覦中國市場，中港參展商由上次嘅七十個躍升至今次約一百個。重有，上海因為有意主辦下次電信展，亦會有專人來港學習。
而積架汽車今次提供四十六部全新名貴房車，接載與會各國政要同貴賓。積架高層對八方話，每部Sovereign售價七十六萬，用完幾日之後平成十幾萬推出市場益街坊。聽講積架已經接電話接到手軟，擁躉想執平貨就要快手。
﹙圖﹚傳說中森林之王泰山打敗猩猩後贏得美人阿珍，SUNDAY喺亞洲電信展用咗呢個概念，以猩猩王比喻對手。左二為SUNDAY董事總經理許博志。
傳真︰2623-9278
電郵︰