立法會同樂日有乜嘢玩？噚日一班議員同記者最後敲定當晚遊戲節目，商討過程中，周梁淑怡同陳偉業「殘忍」本性盡現。
話說當晚有六、七個遊戲，包括「尋寶」、「考耳力」、「超級無敵落大閘」及卡拉OK比賽等。上屆卡拉OK比賽由幾個評判舉牌決定冠軍，周梁認為唔夠民主，今年一於一人一票，對於有人提出，可能有參賽者會「食蛋」，周梁好決絕咁話唔理得咁多，殘忍啲都要投票。
當晚重會有「誰是最佳」選舉揭曉，分別有十位議員及跑開立法會新聞嘅記者會得獎，包括最佳髮型、最佳衣着品味等，重會選出最口密議員、最快覆Call議員，記者之花同記者之草等等。陳偉業比周梁更殘忍，提議加上「最詞不達意議員」，八方反而好奇，邊位「得獎者」肯上台領獎？又會唔會玩出火呢？
傳真︰2623-9278
電郵︰