年過六旬、與二十五歲智障兒相依為命的蔡婆婆，因百病纏身需申請鄉間女兒來港照顧，令生活開支驟增的困境經報道後，早前接獲讀者捐款二萬八千九百八十元後，日前收到第二批善款合共二萬九千二百七十九元四角，記者已轉交她簽收。
「你哋啲讀者真係有心，捐咁多錢畀我哋，𠵱家兩餐我都唔使擔心，最驚係自己有乜嘢事，冇人睇住個仔啫！」蔡婆婆搖頭歎息道。
身世坎坷的蔡婆婆，早年偕夫來港，惟誕下幼子阿金後，夫妻感情有變，丈夫捨他們而去。為了養育這名智障兼患腦癌的兒子及鄉間其他子女，蔡婆婆多年來營營役役，耗盡心血，曾從事不少工作，包括工廠、酒樓、清潔工等，晚年只換來一身病痛。
本身患有膽石、子宮下垂、肩周炎、骨質疏鬆的蔡婆婆，近日懷疑大腸及腎臟亦出問題，日內要入院作詳細檢查。「呢排個肚成日脹住脹住唔舒服，摸落去又好似有嚿嘢咁，加上我小便又頻密得好犀利，醫生驚我條腸同個腎有事，要我過幾日入醫院做檢查。」
由於身體抱恙，蔡婆婆早前遂申請居於內地的女兒暫時來港照顧她及阿金。「阿金乜都搞唔掂，二十四小時要人照顧，呢排自己身體又特別差，唔係有個女喺到，都唔知點算。」然而女兒來港後，卻令依靠綜援金生活的蔡婆婆雪上加霜，幸而在艱難時期，得到《蘋果》善長及時援助，緊絀的經濟才得以紓緩。「我真係唔知點講，總之我覺得好安慰，好高興。」 捐款編號：C0684
暖流熱線
電話:29908688
傳真:23702192
電郵:
網址：