最近有朋友報料，珠海圓明新園在十一月初新開了一個叫中藥谷的主題公園，場內共有四十一個浴池，其中十九個更在池水中加入了不同的中藥，成為具有不同療效的中藥池。我們今次特別邀請了有鋪浸溫泉癮的Irene試浸，睇吓究竟去唔去得過！
記者：黃希知
攝影：陳良
ImageGirl：Irene
我們一行人跟着服務員經過大堂一路上客房，沿途經過一條露天的短廊，站在這裏可以望見中藥谷的自然美景，古色古香的唐代設計加上園林景致，未浸已興奮。負責人表示，中藥谷的浴池所用的水，都是來自山上流下來的泉水，配合藥粉，各有不同的療效。
這個鳳仙湯的藥池有美白護膚的作用，池水帶紅，其中藥成份乃來自武則天女兒太平公主美容的化妝品，有活血潔膚的作用。「周圍環境好靚，重有陣陣清香的中藥味，浸完成個人精神晒，皮膚重好滑，一定要試！」Irene興奮的說。
另一必試是這裏的特色沐桶，首先畀駐場的中醫師把脈，再按照個人狀況開出不同的藥粉浸浴，藥粉價錢由?38至?68不等。Irene說：「醫師話我氣虛，開了藥粉給我浸浴，佢話藥力會透過熱力滲入體內達至指定的療效。」
試浸直擊
「木桶有成個人咁深，服務員將一小壺的藥粉用熱水開溶再慢慢倒入桶內，我即時聞到一陣好強烈的中藥味，可能只浸了一陣的關係，療效唔係好覺，不過浸木桶感覺好新鮮！」
喺鳳仙湯的右面，發現有三個分成一格格的小浴池，服務員話這個是專為情侶而設的SPA按摩情侶池，每個鐘?98，包鮮花、鹽浴、藥包、精華油，浴池雖小但勝在夠靜局。
唔想來去匆匆，可以租間雙人豪華套房住番晚，房內的浴室有晒私人乾、濕桑拿室同獨立按摩浴池，每間房會另送?98的藥包一個，不過每晚房租要?1,680，略嫌昂貴。
浸完成個人鬆晒，肚空空走去搵食，但原來這裏只供應藥膳菜式，起初以為好食極有限，點知當侍應一一捧上時，單是賣相已相當吸引。
雲南特色竹筒飯
以前都食過雲南竹筒飯，但加入赤豆、綠豆、花生同其他配料煲成的竹筒飯還是首次食，飯粒咬落口感較豐富，啖啖都有竹筒清香，食完重可以補血同清熱解毒。
靈芝皂角仁
聽人話靈芝可以有助新陳代謝，皂角仁又可以令頭髮烏黑，將兩者連同其他配料一齊燉五、六個鐘，用來做甜品，滋潤又夠補。
珠海中藥谷
地址：珠海市九洲大道圓明新園
電話：(756)8661113
入場費：成人?70，一米三以下小童半價
開放時間：二十四小時
備註：以上介紹的藥膳菜式，已包括在套餐內，套餐價錢由?38至?98不等。
點樣去？
＊由中港城碼頭搭船到珠海九洲港，後轉乘的士，由碼頭坐的士到圓明新園約?25。
＊康泰旅行社有舉辦$299起的兩天團及$749起的三天團，行程除了中藥谷外，另有龍井坊、百萬葵園、泉林山莊等景點，團費並未包括任何入場票，查詢電話：21088888。
鳴謝：康泰旅行社、珠海海通旅行社、保捷旅行社