「TVB8金曲榜頒獎禮」前晚舉行，伍佰囊括四獎，成為大贏家，而陶喆和周杰倫分別得三個獎。許志安早前被拍下穿泳褲曬太陽的相片，在頒獎禮上被蘇永康及陳奕迅取笑，安仔直認相片令他覺得很尷尬。
前晚在無綫電視城舉行的「TVB8金曲榜頒獎禮」，大贏家是伍佰，一人奪得四個獎項，而陶喆和周杰倫則分別得三個獎，陶喆的《黑色柳丁》更奪得金曲金獎，而最受歡迎男女歌手，則分別由陳奕迅和陳慧琳奪得。
雖然周杰倫的《開不了口》未能奪得金曲金獎，但他拿到最佳作曲獎，他表示感到很有意義。
在頒獎禮期間，蘇永康、陳奕迅和許志安同時上台，當康仔回答主持人性感的定義時，他說：「性感是穿泳褲在沙灘上步行，請大家留意一吓。」而陳奕迅即扯開安仔外套，令身邊的許志安尷尬地以笑遮醜。事後康仔接受訪問時說：「我擺到明玩佢啦，唔使客氣，我哋兩個心照。嗰日我睇完張相，由晏晝三點笑到佢五點，最唔明係點解佢要將包煙攝喺條泳褲度，可能佢瘦得滯，驚條泳褲會跌到落膝頭。」
許志安則稱相片出街後令他很尷尬，他說：「其實我着嗰條泳褲係淺黃色嘅，唔係白色，白色我都唔夠膽着。怪就怪我講咗去旅行，我冇諗到會有狗仔隊跟去，以後我去法國咪話去英國，去泰國其實就去北角。我睇完張相嘅角度真係覺得好尷尬、好怪，或者我真係要考慮吓去沙灘嗰時着西裝打煲呔。」
安仔對日前與舒淇唱K一事說：「舒淇係徐濠縈嘅朋友，咁啱佢哋喺隔籬咪一齊玩，我就話佢冇向Dicky（張衞健）獻殷勤，有嘢都唔會一齊行落嚟啦！」
而陳小春則透露自己正在為演唱會戒油戒糖，他說：「係安仔畀意見嘅，我無非都係想有安仔嗰六嚿嘢啫，但未必可以好似安仔咁……膨啦！」
安仔昨日在黃埔出席新城記者會時，對於歐陽震華（Bobby）踢爆他與鄭秀文已分手一事，他笑說：「佢講笑咋，我惟有咁樣回應，我同Rosanna（歐陽震華太太）有路，乜佢唔知咩？」
採訪：李珮洳、楊潔雯