「彩光」將成流行的美容名詞，連陳淑蘭也在選美後相隔14年的今天，再次公開穿泳衣，為的就是任彩光美容的代言人。以下這間美容店，亦剛引入彩光儀，到底係乜東東？
記者：吳佩璇
攝影：周旭文
ImageGirl：Peggy
彩光儀於1988年起源於以色列，2000年獲美國FDA批准為能安全地替皮膚更新的美容儀器。但就必須由註冊醫生主理，去黑斑、胎痣就最拿手。
激光只得一個波幅，每次只能集中治療一項問題，如去斑、脫毛等。由於波幅強而集中，做完激光治療後，十日八日都唔見得人，亦容易留有疤痕。
彩光有7色光波，由最短的藍光到最長的紅光。同一時間釋放多種光源，故除去斑外，還可同時達到美白、脫毛、緊膚、去暗瘡印等多種功效。也因光源分散，對皮膚傷害沒激光般大，做完可即刻出街。
註冊醫生鍾家輝指，若要達到理想效果，初時Keep住每月做1次，約做5次後連深刻胎記都可減退。之後可每年Keep住做2次。
「做緊個陣塊面有少少『拮』，不過最唔慣係一路會有強光釋出。做完後成面係白晒滑晒，但啲斑反而深色咗，原來係強光將毒素迫出。過幾日啲斑就好似結焦咁慢慢脫落。過多個兩個星期，啲斑真係淡晒！」
小備忘
－孕婦、糖尿病、或食薄血丸人士，不適宜做彩光。
－做完後不要用熱水洗面。
－治療後頭1星期不宜用果酸成份達10%或以上的護膚品。
－治療後每次出街都要搽防曬霜保護皮膚。
－做完後宜多飲水，加速新陳代謝，令效果更顯著。
IOSSPA
電話：23698804
費用：全面彩光每次$2,800，加埋磨皮保濕$3,800。另設體驗價$800，只做局部位置。