唔知大家最近有冇睇公仔箱播緊嗰套日劇《一夜夫妻要結婚》呢？咪睇入面做廣末涼子個發姣姊妹嘅片瀨那奈打扮鬼咁性感，其實佢形象好鬼清純，拍寫真都唔多肯露！不過近期銳意進軍樂壇、兼且泊到濱崎步唱片公司大碼頭嘅片瀨妹，為咗打響頭炮，先肯再次以性感形象示人，令人眼前一亮。片瀨妹聽日將會推出有三首主打歌嘅處女碟，前日佢重喺東京舉行咗處女演唱會㖭！