近排，香港車市有唔少眾說紛紜嘅傳言，都係圍繞住汽車代理權易手嘅問題，惟未踏入2003年前都好難獲得證實，亞Mark亦只好靜觀其變。
但可以百分百肯定代理權易手，會係向以迷你CityCar作主打嘅大發汽車，明年代理權會納入同屬豐田代理嘅皇冠車行。事緣早年大發車廠嘅控股權落入豐田手中後，豐田便開始統一管理嘅理念，重率先將澳洲等地嘅大發代理權歸入同屬豐田旗下。據知，現時大發香港代理，明年會主攻中國內地嘅汽車市場，或許遲吓會再響香港東山再起都唔定；是次變動對現有大發車主相信會係百利而無一害，皆因皇冠車行後勤及維修一向表現富效率，加上全港維修服務點多，就算攞部車去檢查，車主們都會覺得更加方便同可靠啦！