香港中華基督教青年會噚日喺沙田搞咗個「青暉遠眺赤子情2002」嘅單車籌款,八十幾人唔怕風雨,齊齊踩單車做慈事。白鴿黨黃成智、沙田區議會主席韋國洪都犧牲家庭樂時間,到場主禮。
黃成智重講故事鼓勵一眾參加者,其中一個故事講有兩幅畫,場景完全一樣,都有好多豐富食物,而畫中人嘅手同樣綁住一隻長湯匙,一幅畫叫天堂,另一幅叫地獄,因為「天堂」嘅人互相幫助,你餵我、我餵你,人人有份;但「地獄」嘅人各顧各,結果一齊冇得食。黃成智話,香港嘅年輕人要學吓同人分享。
(圖)黃成智希望年輕人學識分享之道。
傳真︰2623-9278
電郵︰