中華城市燃氣（603）近日股價明顯造好，成交亦大咗好多，據聞公司稍後會公布未來發展大計，所以有炒家借消息炒作。不過，經紀陳話實際原因係有水到，幕後有本錢炒上。
中華燃氣股價在1個月內，由0.074元水平係咁升，上周五已經升至0.113元。
經紀陳話，據講中華燃氣第一階段會向大家公布，同大陸某間銀行簽署一項達70億元的貸款額度，以示公司從事燃氣呢門生意，銀両已經準備好，唔係亂吹水。
早前同一班炒家炒過嘅百江燃氣（8132），早排亦同中國銀行簽咗60億元嘅貸款額度。小初唔清楚投資燃氣係要用咁多錢，但數字真係大到嚇死人。
至於隻股炒唔炒得起，小初就真係唔敢講。雖然上次隻股在查理士．陳鼎力支持下，曾經炒個不亦樂乎，但據聞真係賺到錢者唔係太多，計落街外重有唔少蟹貨，相信對股價繼續炒上會構成一定壓力。
慕容小初