上周六講過，中銀（2388）上周五尾市搶高，有啲Call輪跟得切上升，例如9521升41.6%，9554升21.3%，9625升20.7%，有啲則跟唔切。假定中銀升後守得穩或者再升些少，最值得留意博大堆嘅落後中銀Call輪，係9459同9458，呢兩隻輪上周五只係升得6%。
9459現價44仙，溢價得3.4%，槓桿率去到19.7倍；9458現價25仙，溢價5.9%，高啲，但槓桿率高到34.6倍。兩隻輪都係每份兌1股正股，唔係一般輪10份兌1股。博呢兩件輪嘅另1個原因，係佢哋除咗9642之外，成交份數同成交金額，都係最大，買賣容易。
上周五尾市搶中銀，但同時恒生（011）則俾人質散，早段86.25元，一度跌落84.25元，收84.75元，跌1元，連累隻恒生Call輪9402碌低14%，至25.5仙。恒生失驚無神散低，話啲基金沽貨改買中銀，理由唔多合理，中銀成為新貴會令指數基金新購中銀，唔會令佢哋轉馬，恒生唔係俾恒指踢出局也。恒生隨時反彈，9402亦會隨時跟住上。
九倉（004）上周五升30仙，如果認為九倉個勢未完，搵九倉Call輪玩，想買賣比較易，對象係9476，明年6月到期，現價29.5仙，溢價2.3%，槓桿率5.6倍。
章盛