我媽咪話冬天手腳冰冷，一定要進補暖吓身，尤其是做女人，唔補好易老咁話，所以我桐桐雖然只得兩歲，但一聽到媽咪及姨姨要去學整暖身補品，我都唔執輸，一於跟到實一實，不但搶食咗唔少補品，媽咪重應承我將今次學到嘅菜式，返屋企再煮畀我同爹哋食，實行齊齊補身咁話！
記者：陳珮娟 攝影：陳盛臣
示範：銅鑼灣時代廣場玉桃苑姚成雄師傅
逢星期一至日刊出
大廚姚師傅話杞子明目、黨參補氣、當歸補血、雞子則補精兼益氣血，所以整個鑊仔米酒雞有暖身補氣血的功效，而且材料當中，既有對女士有益的當歸，又有有助男士補身的雞子，所以男女都啱食。
鮮雞 1/4隻
米酒 3両
北芪 2両
杞子 5錢
上湯 4両
雞子 3両
黨參 2両
當歸 1両
薑片 5錢
聞起上來酒味很重，但入口卻相反，雞及湯都有極濃的藥材味，喝後全身暖笠笠。
海參及花膠均具滋陰養顏的功效，惟發海參及花膠的過程較為繁複，要預早一日處理。
兩頭海參 2両
三頭花膠 2両
菜膽 1棵
上湯4湯匙
生粉1茶匙
蠔油1湯匙
老抽半茶匙
糖少許
海參及花膠煮得非常腍，入口即滑進喉嚨！
姚師傅話揀海參要揀厚身大隻，以及沒有被蛀過洞的便屬靚海參。花膠則有分公乸，亦以花膠公較靚，價錢亦較貴，花膠公的外形似馬鞍，而花膠乸則較為圓身，但今天較難找到花膠公，所以多數會採用花膠乸，揀花膠最重要揀厚身才算靚貨。