提起澳洲，可能大家都淨係會諗起袋鼠同樹熊，不過我身邊班貪靚姊妹就話，澳洲其實重有一寶，以王牌HandCream闖出名堂的澳洲幫品牌Jurlique，幾乎逢女人都會趨之若鶩，就連本地的明星Model都係佢擁躉，呢個品牌一向鐵價不二，但由聽日起你就可以用6折嘅價錢，同陳慧琳、關之琳等索女一齊Keep住白滑肌膚，咁鬼筍，重唔快啲call埋班姊妹一齊掃貨。
記者：尹珊珊 攝影：黃子偉
ImageGirl：Winky
(左)JurliqueRoseHandCream
容量：40ml 原價：$145 開倉價：$87
(右)JurliqueLavenderHandCream
容量：125ml 原價：$270 開倉價：$162
天氣轉冷，平日滑一滑的玉手頓時乾燥甩皮，解救方法當然係搽少少潤手霜滋潤一番。呢隻被喻為澳洲Jurlique王牌產品的HandCream，曾被國際權威雜誌《Cleo》選為全球最佳護手霜，具高度滋潤性，易滲透，但又唔會過份油膩，對龜裂同嚴重甩皮特別有療效，分別有薰衣草及玫瑰花兩種香味，前者濃郁，後者清香。
試後感：「呢隻HandCream我都有用開，不過就係玫瑰花香味，覺得佢最正係可以令死皮軟化，冬天都唔會乾燥到『鞋拾拾』，自己都會Keep住用，𠵱家減到咁平梗買得過啦！」
CM活力眼部修護啫喱
容量：30ml 原價：$687 開倉價：$344
CharlotteMeentzen(CM)雖然在香港的知名度唔算太高，但其實在德國本土是第二大護膚品牌，有成70年歷史，產品標榜採用純天然植物精華製造，迎合到現時護膚品界所謂無添加的熱潮，好似呢隻眼部修護啫喱絕不含任何化學成份，卻又可以達至減少黑眼圈同眼袋的效果，內含的Q10成份更可以使嚴重角質化的皮膚恢復正常，降低皮脂腺過度角質化，同時有助針對乾燥剝落的皮膚。
JurliqueLavenderHand&BodyLotion
容量：240ml 原價：$135 開倉價：$81
天氣乾燥容易令到皮膚痕癢，故沖完涼就一定搽番少少Lotion，Jurlique呢隻Hand&BodyLotion可以畀你搽勻全身，夠晒方便，而且以全天然製造，敏感皮膚都唔怕生粒粒，經過記者親身驗證後，覺得質地比較稀，滲透性極高，塗後很快已吸收在皮膚底層，不過就略嫌唔夠滋潤，乾性皮膚的女士未必適合。
試後感：「之前有用過呢隻牌子的護膚品，覺得唔錯，好似呢隻BodyLotion質地幾爽，可以搽勻全身夠方便，聞落又有好香的薰衣草味，但唔係幾夠潤，適合夏天多啲。」
(左)JurliqueDayCareLotion
容量：30ml 原價：$210 開倉價：$126
(右)JurliqueHerbalRecoveryGel
容量：30ml 原價：$390 開倉價：$234
任憑你點樣貪靚，無時無刻將成吋厚的護膚品撻喺面上，點都會覺得辛苦，所以護膚品最重要質地夠薄，Jurlique的日間保濕乳液，內含有機天然植物草藥，有滋潤、保濕同平衡皮膚的功效，化妝前塗於面上打底，薄薄哋唔會𣲷；至於Jurlique的另一款再生細胞膠則為成熟女性而設，其天然抗氧化成份具抗衰老和皺紋的功能，可取代晚霜使用。
JurliqueEyeGel
容量：16ml 原價：$425
開倉價：$255
想將面上嘅黑眼圈趕盡殺絕，咁就要試吓Jurlique呢隻具抗氧化成份的EyeGel，其輕盈清爽的質地能夠滋潤眼部周圍，更標榜可以減少黑眼圈和有緊實效果，有助減緩老化現象，而且特別針對晨早起身的勞累隻眼，喺會議之前搽少少，重可以迅速恢復精神㖭！
CM再生保濕露
容量：30ml 原價：$551 開倉價：$276
蘆薈產品對皮膚有上佳效用，好似CM呢隻含蘆薈成份的再生保濕露，能迅速補充皮膚水份及有效收緊肌膚，令皮膚得以回復彈性和倍覺幼嫩，最重要係適合任何皮膚和時間使用，一支在手，有晒保濕同滋潤兩大功能，咁就唔使左搽右搽咁麻煩。
試後感：「之前未聽過呢個牌子，試過之後覺得唔係太保濕，搽咗要成幾分鐘先感覺佢吸收，摸落去重𣲷𣲷哋，唯一可取係佢嘅味唔濁，但好似我呢類成日搭飛機的人一定唔合用。」
歐日名牌化妝品$5起
開倉價：$5-$10
貨量：視產品而定，約有6-12件
今次護膚品開倉主力以Jurlique及CM兩大品牌為主，但其實場內重有唔少筍價化妝品，好似Lancome唇膏、Kose睫毛液、Lancome洗面奶及收縮水套裝，同埋人氣十足的SKII、Biotherm、PN、Revlon等牌子，全部以低至$5起發售，產品種類超過五、六十種，但由於係貨辦的緣故，每款最多只有6至12件，想買就要快人一步。
Jurlique是澳洲知名護膚品牌，唔少香港人去親澳洲旅行，梗會去佢間專門店入貨，我哋熟識嘅靚女明星Model，好似陳慧琳、關之琳、周汶錡同陳嘉容，都係呢個牌子嘅用家，其產品最大特點是採用純天然植物精華及香薰提煉而成，本身在南澳自設草藥園以有機種植方法培植草藥，所以產品不含化學成份，唔怕影響皮膚。
護膚品開倉大平賣資料
地址：觀塘觀塘道396號毅力工業中心9樓C室
電話：21918767
傳真訂購：21918769（只限Jurlique及CharlotteMeentzen產品）
開倉日期：明日（12月3日）起
開倉時間：上午12時至下午8時