吳君如前晚在上環大笪地宣傳電影《金雞》，她穿上低胸上衣襯超短熱褲出現，在場有男fans看到君如的一身粉紅懷舊look，即爆粗說：「君如你好×索！」
吳君如主演的電影《金雞》將於聖誕檔期上映，同期上畫的猛片包括《無間道》和《英雄》，所以君如不敢怠慢，近期努力催谷《金》片。
前晚君如與杜汶澤在上環大笪地主持《金雞》花車啟動儀式，君如在《金》片中飾演妓女，所以宣傳時刻意穿上性感服飾。穿上粉紅色低胸格仔衫和超短熱褲的君如，連鞋襪都襯到絕，又紮孖辮、戴膠框眼鏡，有點像林亞珍。君如甫出現，在場的一名男fans即爆粗說：「君如你好×索呀！」
對於有男fans爆粗讚她，君如笑說：「我知自己靚，但係都唔使加埋器官嚟形容我。我着成咁嚟宣傳，其實都有心魔（心理掙扎），自己係靚女，唔應該扮到咁醜，着條咁短嘅褲，露晒對圓蹄出嚟咁核突。如果唔係為咗宣傳、為咗要做專業演員，我都唔會肯咁着。」當君如看見一個以她在《金》片中的造型製成的吹氣公仔時，即手舞足動，舉止很儍氣。
此外，早前有周刊報道陳可辛與一名台灣女子交往半年，君如回應說：「我一直覺得男友唔係靚仔，但係諗唔到佢都有緋聞，所以我引以為傲，不過我覺得呢啲只係笑料一則。」
採訪：陳梅香 攝影：陳偉權