我Apple姐早排寫過做咗白領嘅周嘉玲，工作十分投入，就算食晏都係三文治醫肚就算，絕對唔會話一放食晏就同班同事去八八卦卦。 大有收穫 真係有緣啦，我Apple姐前嗰排又喺lunchtime撞到周嘉玲一支公出動。佢同一般香港地嘅白領麗人真係好唔同，嗰日食晏時候，我見到佢一個人喺銅鑼灣洪葉書局做書蟲，後來重大有收穫買咗成袋書走人㖭。原來周嘉玲除咗扮靚外，對睇書都咁熱愛，重寧願飯都唔食㖭。