曾見李八方寫，董特首治港五年，政績如何有目共睹，無謂多說了。綜合其聽完各方意見之後，常有四句金句作答：──
（一）「我好重視你嘅意見。」
（二）「你嘅意見好好。」
（三）「你講嘅嘢我都知道。」
（四）「你畀啲時間我。」
──客客氣氣。但答了等於冇答。我們對這四大金句，亦耳熟能詳。
不過，除此之外，其實董伯伯最最最心愛的語彙，是「──可」，這個字，非常複雜、多姿，而且足以表達不同層次的心聲和情感，也有七情六慾在。我們也可東施效顰，可圈可點：
「你畀人恰可，我哋會高度重視你嘅痛苦。」（關心）
「大家咁話可。」（爭取認同）
「我唔記得自己講過乜，你唔怪我可？」（慈祥、求恕）
「我都話㗎啦，可！」（拉近距離，表示親善）
「你應承過個喎，可？」（撒嬌）
「哼！唔好理佢唧，可。」（同鼻孔出氣）
「點呀？話咗嚟又唔蒲頭，唔識人啦，可？」（單打）
「我點諗你知㗎，可。」（心照、冤氣）
「五年又五年嘞，可。」（虛度時光，惆悵不已）