何韻詩跟師妹Cookies的成員Theresa出雙入對，加上何韻詩早前與同性好友容祖兒和陳文媛傳過緋聞，所以何韻詩最近被冠以「𠝹女王」的稱號。
Cookies前晚在灣仔會展出席「新城主力唱好音樂會」，Theresa對緋聞回應：「我都知自己犯桃花，之前有王嘉明，𠵱家又有何韻詩，我好高興同師姐傳緋聞，其實當時重有其他朋友。」
問Theresa是否肯定自己喜歡男性，她想了一會才答：「吓？要咁肯定？如果二、三十年後唔係咁點？係朋友就唔使理我嘅性取向。」之後，Cookies的成員七嘴八舌對Theresa說：「我哋撐你。」
何韻詩昨日在荃灣出席「PM新勢力頒獎禮」時，對被指𠝹女王，她說：「話我𠝹女王，我冇嬲，只怪自己唔係佢集團嘅成員，我大人不記小人過，呢啲新聞冇創意。」
採訪：楊潔雯 攝影：陳慧安