梁家輝前晚在中環與傳媒共晉晚餐，宣傳新片《雙曈》，而該片的導演陳國富亦有出席。
梁家輝早前涉嫌醉酒駕駛，被問到會否戒酒時，梁家輝說：「唔會唔飲酒，最多係飲酒後唔會揸車，爹哋同媽咪就快返嚟香港過聖誕，佢哋都好擔心我單官非，所以佢哋話要返嚟睇住我！其實呢件事唔係喺正常情況下發生，總之以後飲咗酒我就唔揸車啦！」
梁家輝表示，今個月將不會接任何工作，原因是希望與家人共度聖誕佳節，不過他近期仍替《雙曈》宣傳。提起片中一幕講述他在床上暴斃的場面時，梁家輝說：「嗰場戲講我死喺床上，劉若英要救我，係咁用手拍我個心口，原本我心口有一塊護墊，但我想佢演得投入啲，所以攞開咗塊護墊，搞到我心口痛到死。」