性感女神藤原紀香差唔多三十歲先至大紅，但近排佢嘅事業停滯不前，重俾後生過佢嘅井川遙同菊川怜搶晒風頭！紀香姐惟有搵「外援」幫手，即係趁啲姐仔未有國際知名度嗰陣，搶先同外國明星合作。
繼郭富城、成龍同金允珍之後，最近紀香又泊到個好碼頭！究竟係邊個？咪係南韓國腳安貞煥囉！
講真紀香姐同男星拍檔始終有噱頭，所以佢同安貞煥拍嘅WhiteTrashCharm首飾廣告呢排喺日本都好受注目，佢哋兩個喺電視廣告《男與女篇》入面戴晒情侶耳環，又互相撫摸，睇怕女fans肯定睇到眼火爆！
不過，我羅拉雖然身為安貞煥嘅fans，都覺得佢喺廣告入面戴住啲女仔耳環同頸鏈，個look好似娘咗啲喎，似乎唔及碧咸（DavidBeckham）同老婆Victoria拍嘅日本廣告咁型仔！