身為聯合國兒童基金會香港委員會委員嘅政務司前司長陳方安生，喺今個月九號至十五號，會同聯合國兒童基金會大使陳曉東，一齊去東帝汶偏遠山區探望當地嘅兒童。
八方知道，去東帝汶要先去較早前發生過恐怖襲擊嘅印尼峇里島，咁陳太究竟驚唔驚呢？陳太話，最初都有啲擔心，但係主辦單位話絕對唔會有問題喎。
陳太又話，距離出發重有成個禮拜，所以未準備行裝。不過，東東就教陳太，去山區地方最緊要記得帶蚊怕水，重話會做陳太前鋒，確保安全先畀佢行。
講開又講，陳太退休之後，魅力重係咁勁，佢噚日喺九龍塘又一城同東東一齊義賣雪糕，吸引好多人嚟幫襯，一位男士重用咗三千蚊買陳太親手「𢳂」嘅雪糕㖭。
（圖）陳太（右）同東東義賣雪糕籌款，身體力行做善事。
傳真︰2623-9278
電郵︰