歧視有時似毒瘤，一般人唔覺唔覺，就會俾歧視入侵心靈。平機會最近贊助荃灣明愛中心，進行咗次「我心目中的公平報道」選舉，喺六份報章當中，《蘋果》有幸成為兩份得獎報章之一。
大會選取10月23日見報嘅一則懷疑患上鬱抑症中二女生自殺嘅新聞，182位社區人士睇過六份報紙，考慮報道內容有冇存在侮辱或嘲諷，有冇對某啲人構成不利，再投票選出心目中報道最公平嘅報章。本報有份參與採訪嘅記者包括吳淑義、劉柏麟及黎志偉。
吳淑義認為記者每日都盡量找尋最接近真相嘅事實，所以報道能否公平，取決於知情人士會否提供多啲資料，好似呢次自殺女生間中學校方反應迅速，冇隱瞞事實，記者即場觀察女生遺物，發現佢喜愛草莓麫包公仔，亦發掘出另一個人性角度分析女學生嘅心理。
（圖）10月23日嘅《蘋果》頭條就係今次得獎報道。
傳真︰2623-9278
電郵︰