【本報訊】當了港同盟和民主黨主席十二年的李柱銘，除了回歸前與準備出任特首的董建華初次會面時，雙方笑臉相待外，之後的會面不是對罵，就是拍枱收場。今日李柱銘退任主席，董建華仍是特首，李對董仍是滿肚不滿，直指董建華是一個不適合香港的特首，不但管治香港力有不逮，即使是「做騷」也沒有技巧。
要李柱銘評論董建華，猶如要他想起最痛苦的事一樣。李皺皺眉頭說：「佢真係唔掂，已經搞衰咗香港五年，真係唔應該再做第二任……就好似上半場已經輸零比三，要下半場贏返四比三，唔係唔得，係好難好難。」
李柱銘批評董建華根本不願意聽反對聲音，以《基本法》第二十三條立法為例，董只不斷叫反對的人信政府，即使特首無力帶領香港，至少也可靠「做戲」增加市民信心，奈何董建華連「戲」也欠奉。
他以前港督彭定康為例說：「肥彭係一個好出色嘅politician（政治家），好似畀香港二百幾萬人居英權咁，擺明係做戲，但係大家都好受落，令香港人知道佢有做到嘢。」