日本水着女星MEGUMI本身都已經唔係靚過人，但佢都唔知係咪同啲廣告商嘅PR有仇，次次佢做宣傳大使嗰陣，套「戲服」永遠騎呢兼肉酸！好似前日咁，MEGUMI去到台場幫Joypolis遊樂場嘅聖誕燈飾主持亮燈儀式，佢唔單止着咗套好out嘅聖誕女郎衫同梳個好老套嘅髮型出場，重喺六米高嘅空中亂咁揮手同踢腿，打扮同動作可謂「襯到絕」，一句講晒冇儀態！