想喺深圳買又平又盞鬼的玩具精品，就要到福田區華強北路一帶的電子城才會找到。不過，唔知碇的朋友就未必識得搵，皆因這裏幢幢大廈都叫電子城，而且合心水的產品並非處處都有，如果唔想行到腳攰周圍摷的話，就等我帶路啦！
記者：袁峰 攝影：陳良
這個「WinterWonderland」的擺設，長15吋、闊12吋，駁上電源後，白茫茫的小城就會充滿生氣；摩天輪及氹氹轉會啟動，街燈不時閃出燈光，而小小的公仔亦會在結了冰的馬路上移動，十分趣致。另外，更有8首聖誕樂曲連續播放，買嚟作為聖誕禮物就最啱！
以小鳥作外形的電子新產品，只要放入一枚AA電池後掛於頸上，當小朋友寫字時頸部彎得太低，儀器就會以普通話提醒你距離太近了；而掛繩亦有儀器在頸部作出震動反應，這樣就可預防小朋友出現寒背或近視的情況。
從未想過手機電池都有手動充電器，絕對是有諗頭之作。這部「Advan」WN-079手動充電器，適合一般諾基亞、摩托羅拉、西門子及三星等牌子型號的手機，手攪5分鐘，即可有一日儲電量，而實際打出時間則約有10分鐘左右，都咪話唔厲害。
華靈通電器禮品行
電話：（86）75583768341
地址：深圳市華強北路萬商電器城2樓C171號舖（女人世界對面）
營業時間：早上9:30至晚上9:00
交通：從羅湖關口前往，乘的士約15分鐘，車費約?22。