講咗幾日收飛機，八方前日終於有機會去到空中巴士裝嵌廠，一窺飛機製造過程。入到去，成班記者大氣都唔敢唞，因為工作人員好認真，每件零件嘅裝嵌過程都要好精確，萬分之一錯誤也不容許。不過空中巴士公司職員對記者照顧周到，全程講解，重話今年有三百架飛機定單，即係平均每個工作天就有一架飛機誕生。
噚日又去咗中世紀古堡Carcassonne（卡卡頌）參觀，呢個古堡被聯合國教科文組織列為世界文化遺產，靚到成個童話故事中，王子同公主住嘅城堡咁樣，雖然唔捨得走，但大隊今日會同梁錦松同坐首航嘅新機返港，回到現實再搏殺過。
（圖）國泰企業傳訊總經理黃家倫（右），好留心咁聽空中巴士公司人員講解飛機製造過程。
傳真︰2623-9278
電郵︰