張燊悅、余文樂（阿樂）及蕭正楠等，昨日在商台出席「敬師愛生之敬師物意演講Show」記者會。
張燊悅早前被拍下以「林亞珍look」與男友雷頌德食飯，對此她說：「我覺得冇問題呀，幾好笑呀，我都幾鍾意戴嗰副眼鏡，戴咗啲人都唔認得我。」問張燊悅以後與男友出街會否特別小心時，她則說：「冇得小心，點都影到。」
而余文樂昨日把頭髮剪得短短，結果被譏似電視劇中的孫悟空，不過余文樂說：「我都冇睇過孫悟空，都唔知係點，我都唔覺得似馬騮，我諗住變吓嘛，成日都長頭髮，我都幾鍾意呢個頭呀。」
此外，余文樂早前為電影《飛虎雄師》拍攝一場落水戲，由於天氣頗冷，故此拍攝當日余文樂不時「打冷震」，而他站在EO2的成員旁邊，更顯得瘦削。