叫人食蕉，唔好以為係衰嘢，其實係為你好至真，因為香蕉含有豐富營養，可以減少高血壓、提高免疫能力、抗氧化、預防癌病……等，所以日本𠵱家好多人都會每日一蕉！有見及此，日本city104嘅島田先生就設計咗款「蕉袋」方便大家帶蕉出街食，食完又可以將啲蕉皮放返入袋，唔使亂咁丟跣親人，你知啦，喺日本搵個垃圾桶都唔易㗎嘛！
講番個蕉袋，佢採用咗透氣物料，唔怕焗親隻蕉；又有海綿墊住，俾人撞都冇咁易凹，重有埋魔術貼㖭，你話幾咁方便呢！所以，如果你係蕉迷嘅話，下次去日本就記得買番個喇！
記者：鄒家鳳
售價：300日圓
地址：東京都新宿區百人町1-22-28
電話：81(03)3227-8481
網址：