患有肌肉萎縮症，急需電動輪椅代步的六歲男童安仔，在蘋果善長一呼百應下，瞬間已籌集到八萬三千餘元，足以達成他的心願。本報記者早前已將安仔的個案轉介扶輪兒童復康專科及資源中心跟進，職業治療師亦先後兩次替安仔進行身體及輪椅評估，日內可決定選購哪一款的電動輪椅。
「之前我哋已經試咗幾部輪椅，𠵱家職業治療師初步建議安仔買一部手動同電動兩用嘅美國輪椅，張輪椅可以調校座位嘅闊度同傾斜度，方便佢遲吓大個仔時都重可以用，不過，過幾日要再做多次家居評估，睇吓屋企夠唔夠活動空間，先決定買邊一部。」安仔的母親李女士向記者表示。
年紀小小的安仔，患有先天性脊髓肌肉萎縮症，致雙腳肌肉迅速退化，不但未能走動，連站起來也有困難。今年剛升讀特殊學校的他，現倚靠醫院借出的手動輪椅代步，惟因其小手臂的肌肉開始退化，操控輪椅甚感吃力，因此十分渴望擁有一部電動輪椅。奈何安仔出身貧困家庭，父母年前離異後，他與三名兄姊偕母靠綜援金生活，母親委實無力替他添置一部數以萬元計的電動輪椅，遂向本報求助。
李女士聲聲道謝說：「𠵱家我哋睇中嗰部輪椅，未計改裝、換零件嘅費用，已經要六萬幾蚊，唔係多得咁多善長仁翁幫忙，我哋一蚊一蚊咁儲，真係儲一世都唔夠。安仔知道自己就快有電動輪椅用，都不知幾咁開心，真係好感激大家。」
捐款編號：C0710
暖流熱線
電話：29908688
傳真：23702192
電郵：
網址：