林敏驄和陳伶俐近日除開設公關公司外，還花了約四十餘萬購買全新平治C320房車，兩人特別挑選紫色車身，寓意將來的演藝事業可以紅到發紫。
林敏驄與陳伶俐夫婦近日把舊有的凌志房車換掉，並以約四十餘萬買入一部全新的紫色平治C320代步。日前兩人便駕着新車一同遊車河，兩夫婦表現得十分恩愛。
問林敏驄為何突然換車，他說：「因為伶俐早排泊位唔小心，將架舊車撞凹咗，而且我見部舊車都用咗幾年，咁啱我哋又睇啱呢架新車，價錢都好啱心水，咪買咗佢囉。我哋揀紫色係希望兩公婆嘅演藝事業可以紅到發紫。」
林敏驄與陳伶俐自從搬到清水灣半島居住後，事業有不錯的發展，陳伶俐說：「我哋之前開咗公關公司，事業都漸漸上軌道，而我近日又多咗好多嘢拍。」林敏驄表示，多得堪輿家麥玲玲的協助，現時的住所才如此好風水，他說：「早排師傅喺我哋屋企擺咗個吸水陣，跟住事業同財運都即刻轉好。」
林敏驄近年在多個高爾夫球賽事中有好成績，近日更獲得日本Kasco贊助一套價值數萬元的高爾夫球用品，而他亦很鼓勵太太學打高爾夫球，對此陳伶俐說：「我都好努力學，希望將來可以同老公一齊上陣比賽。將來囝囝林肯大個，我哋都會畀佢學打高爾夫球，不過佢𠵱家太細，只係識得用支球棍打人。」
採訪：比華利 攝影：仇志中