洪金寶、任達華和琦琦前晚在尖沙嘴出席「歐米茄香港高爾夫球公開賽」頒獎禮和慈善晚宴，洪金寶透露近日抽中可以買馬，更在英國訂了一匹馬來港。
洪金寶前晚慶幸沒有投注買成龍的馬匹「冠昌之星」，他說：「因為匹馬跑第三，我自從去咗美國一排之後，都唔係好識買馬。」洪金寶表示近日因為被馬會抽中，他遂在英國訂了一匹馬回來，洪金寶說：「點止十萬英鎊（約一百二十萬港元）。」問洪金寶可會以太太高麗虹的名字為馬匹命名，他說：「梗係唔會，隻馬成日俾人鞭、俾人騎、俾人打同俾人鬧，一定唔會用太太個名，反而遊艇用太太個名就冇問題。」由於馬匹尚未運送來港，洪金寶說：「最快要明年先可以出賽。」
採訪：胡比 攝影：何國豪