香港警隊喺灣仔金紫荊廣場搞嘅升旗儀式，近年雖然改善唔少，例如加入豪裝版，不過唔少人仍然話，點都唔及祖國天安門廣場嘅升旗禮咁有氣勢。
嚟緊呢個禮拜日，市民唔使去到北京咁遠，喺金紫荊廣場就可以欣賞到負責北京天安門廣場升旗嘅中國武警軍樂團嘅演出，佢哋三十幾個代表當日會聯同本港警方舉行國旗和區旗升旗儀式。
佢哋今次嚟香港，主要係參與「警察之夜」嘅演出，呢個星期日朝早七點四十分開始嘅升旗儀式中，會同香港警察樂隊合奏國歌，儀式結束後會演奏軍樂。八方聽聞，嗰日一哥曾蔭培都可能會親自去同觀摩吓。
傳真︰2623-9278
電郵︰