身為瑪花纖體代言人的李美鳳，前晚專程由台灣回港，出席昨日《壹週刊》在尖沙嘴舉行的「服務第壹大獎2002頒獎禮」。李美鳳表示頒獎禮完結後會立即返回台灣，以便趕及為她的龍鳳胎仔女慶祝四歲生日。
李美鳳說：「我已經買咗玩具安撫佢哋先，之前重做咗個擲奶嘴落垃圾桶儀式，因為佢哋要戒用奶嘴，而佢哋又當個奶嘴係寶貝，所以佢哋喊話唔敢睇，重叫我幫佢哋擲落垃圾桶！不過最後都係佢哋自己擲，佢哋兩個咁勇敢，我好驕傲。我教小朋友係注重生活教學同埋人格訓練。」
李美鳳有自己的一套湊仔方法，不知她會否出本BB書教其他父母呢？她笑說：「我都有興趣㗎！不過等我有多啲經驗先啦。」 採訪、攝影：陳梅香