國際知名嘅互聯網公司Yahoo!最近做咗個關於品牌嘅調查，喺網上訪問咗成萬香港人。網民喺男女名人品牌一項，選出十四個中外偶像，剛獲選為十大傑出青年嘅陳慧琳亦入選，同劉德華、謝霆鋒、碧咸、陳方安生同已故嘅羅文等，一齊成為網民心目中最愛戴及最有影響力嘅人物。
另外，最受歡迎品牌就係國泰航空、可口可樂、滙豐、出前一丁、Nike、Nokia同Sony，結果都算意料中事；不過一啲本地薑都擊敗唔少國際品牌，例如李錦記攞咗「與網民一起成長品牌」、維他奶攞咗「網民最忠心品牌」、大家樂就得到「深得盛年網民心品牌」。
（圖）陳慧琳一身今年最hit打扮出席領獎，佢唔入選就奇啦！
傳真︰2623-9278
電郵︰