要數近期見報率最高嘅日劇，我大口羅拉一定會話係由原沙知繪同伊東美咲合演嘅《皇家雙妹嘜》，無他嘅，都係因為套劇多搞作啫！呢兩位雙妹嘜前日喺劇入面終於搵到好歸宿，重齊齊舉行婚禮㖭。原沙知繪同伊東雖然知道自己披起嫁衣只係劇情需要，但仍然興奮到好似真係出嫁咁呱呱叫，連我羅拉都戥佢哋高興！