新一期《壹週刊》講述王廷歆和龔如心的爭產官司，指王廷歆得到好多「朋友」支持打官司，其中一位是體壇名人洪祖杭，有傳洪祖杭借出二千萬給王廷歆。另外報道亦指洪祖杭常在英皇駿景酒店蒲吧，而影業協會主席洪祖星，則是洪祖杭的兄弟。
城中富豪劉鑾雄和洪祖杭素有交情，他覺得洪祖杭在事件中很無辜，大劉昨日在電話中說：「我睇咗報道之後打過電話畀洪祖杭，我覺得應該幫佢講幾句公道說話。第一，佢平日好低調，直至今日為止，從來都冇去過英皇駿景。第二，洪祖星唔係洪祖杭兄弟，亦同佢冇任何親戚關係，佢只得一個細妹。第三，洪祖杭亦同我親口證實，佢從來冇直接或者間接參與過呢件事，亦都冇畀過任何意見或者資金。」
而本報亦以電話和洪祖杭聯絡上，他說：「我根本就唔識王廷歆，亦唔識得嗰個律師林華中，點解要借錢畀佢？我都唔明點解呢件事要將我拖落水。」而記者就此事致電《壹週刊》總編緝左少珍，她表示不予置評。
採訪：RitaLeung、JessicaNgan、JacqulineCheung
攝影：RickyChan、RickyChan