【本報訊】東隧巴士火警引來火爆的針鋒相對場面，事緣有駕駛人士認為是隧道公司缺乏應變能力引起不便，且無法取回隧道費，遂致電商業電台《風波裡的茶杯》投訴，但管理東隧的新香港隧道有限公司總經理陳星璋回覆節目主持鄭經翰查詢時，被指態度傲慢囂張，隨即引起市民連串的不滿和投訴，有關對答節錄如下：
陳： 有咩問題呢？
鄭： 你想唔想向公眾交代？
陳： 隨得你，你想我交代就交代。
鄭： 你嘅態度好有問題喎！
陳： 你投訴啦！……講啦！問啦！我𠵱家問你個問題係乜嘢吖嘛！
鄭： 你唔好以為做隧道公司大晒，我幫襯你㗎！
陳： 做電台都唔係大晒，你講吖，有咩事？
鄭： 做電台唔係大晒，不過公眾知情權就大晒！
陳： 有冇第二個問題吖？
兩人在一輪針鋒相對後，陳星璋指東隧職員已記錄了車牌資料，司機可以安排取回隧道費，雙方在空氣中「不歡而散」。
運輸署發言人指出，隧道公司有其公司的應變措施，但一切要按實際情況而定，但以市民安全為大前提；該署定期與各隧道公司進行火警演習及提供應變講座，又研究隧道公司訂定的緊急事故應變計劃。