香港女仔流行去台灣影婚紗相就係人都知，但估唔到呢個潮流已經傳到去日本，連佐藤江梨子同佢姊妹藤崎奈奈子都唔執輸！早排佐藤同藤崎就喺東京電視台嘅帶領下，去台北玩咗幾日，佢哋除咗去夜市食牛肉乾飲果汁刨冰，同埋試腳底按摩之外，重扮古代中國新娘影相，效果靚到連我羅拉都睇到心郁郁！