出身於紡織世家嘅工商及科技局局長唐英年一上任，就話香港應該做服裝中心，理工大學可以講係唯一一間提供時裝紡織教育嘅大學，對呢個建議梗係有讚冇彈，噚日重向唐英年頒授榮譽博士銜頭，王䓪鳴同董建成亦得到同一榮譽。負責「扑頭」頒授博士銜嘅，係理大校董會主席胡應湘，台下觀禮者，包括楊鐵樑、李澤楷同陳瑞球等人。
儀式開始前出咗小小意外，唐局長因為要去立法會解答議員提問，遲咗半個鐘，大會惟有急急改動典禮程序。不過稍後趕到嘅唐局長有媽咪、太太同千金齊齊捧場，同佢分享得到榮譽博士嘅喜悅，肯定甜在心頭。
（圖）唐公子媽咪（右二）同女兒（右三）一身紅衫喺台下觀禮，唐太太（右四）就睇到好投入。
傳真︰2623-9278
電郵︰