前任政務司司長陳方安生會喺下月初同藝人陳曉東為聯合國兒童基金會去東帝汶做親善探訪。身為戰火中兒童大使嘅東東，今次係第四次代表該會；而作為聯合國兒童基金會香港分會創辦人嘅陳太，就係第一次去探訪。陳太同東東出發前去商台錄宣傳聲帶，嗰日東東見到陳太即刻好尊敬咁打招呼：「陳太，早晨。」陳太就同東東講：「陳曉東，你去過三次親善探訪，咁有經驗，我係第一次，要你帶隊呀。」事後東東話覺得陳太好好笑容，大家都有講有笑，好開心。
陳太講到細個嘅志願，佢話以前讀修女學校，得到修女悉心教導，當時立志做修女，點知長大後接觸到社工，覺得社工嘅無私精神令人好敬仰，就想做社工，卒之佢第一份工就係任職社署，都算願望成真啦。而東東就話細個想做老師，點知做咗歌手。
（圖）陳太同東東有講有笑，兩個人笑容都咁燦爛。
傳真︰2623-9278
電郵︰