謝偉俊律師行前晚喺大會堂劇院幫個職員YogiWong搞咗個鋼琴獨奏會，去欣賞嘅名人高官都唔少，包括有保安局局長葉劉淑儀、長實高級營業經理何雨盈、趙世曾千金趙式芝等等，咁當然唔少得謝偉俊同白韻琴啦。白姐姐話Yogi喺律師行打工，專門負責寫平安紙，今次謝偉俊支持員工演出，重包咗九成飛送畀親朋同客戶，其餘一成公開發售。
白姐姐話佢聽日會揹個背囊一個人去歐洲旅行。至於出書一事，白姐姐又話唔出住：「我出書都係爆名人秘史，都一把年紀，雖然唔使歌頌自己，都冇謂踩人啦，費事乞人憎。而且我講嘢都唔夠劉生咁出位，佢改人花名咁絕，啲精句咁勁，又敢言，唔夠佢嚟呀；不過大劉（指劉鑾雄）都有少少受我影響㗎，佢一係唔講，一係就去到盡。」
（圖）趙世曾千金趙式芝（右）都去捧謝偉俊員工YogiWong場，重同白姐姐手拉手。
傳真︰2623-9278
電郵︰