電視晚晚做「群星拱照張衛健」，估唔到噚晚港島香格里拉上演「群星拱照陳智思」。話說亞洲金融同中國最大嘅產險公司中國人民保險合資喺香港搞公司，噚晚成立酒會，星光熠熠，行政長官董建華、中聯辦主任高祀仁、財經及庫務局局長馬時亨、金管局總裁任志剛齊齊到賀，連一向好低調嘅中央金融工委，都派咗個辦公室主任落嚟。
但係全場最搶鏡嘅係亞洲金融太子爺兼立法會議員陳智思，皆因人保總經理唐運祥發言之後，由陳智思負責繙譯做英文，咁大間公司當然唔會請唔起繙譯，無非係畀個機會「香港馬英九」在大場面表演啫。
（圖）陳智思（左）替人保總經理唐運祥繙譯，大騷哥利。
傳真︰2623-9278
電郵︰