周麗淇現正忙於拍攝與陳曉東及鄭中基等合演的網上劇集《百分百感覺續集》，由於她要日夜趕工，就算有病在身亦沒有時間去看醫生，結果上星期三體力不支入院，並住了四日。
周麗淇昨日接受訪問時說：「我真係好唔舒服先去睇醫生，點知醫生話我傷風感冒、貧血同埋氣管炎，要我留院休息，我出院嗰陣都未好番晒！本來醫生唔畀我走㗎，不過我怕家人擔心，又趕住開工唔走唔得，點知出咗院個人一樣唔掂，就喺屋企休息多兩日先開工囉。」
周麗淇在《百分百感覺續集》中戲份頗重，故此她入院後該劇也要被迫停工數天，周麗淇更表示要等她下月中劇集煞科後，才能有兩天假期休息，頗為辛苦。
採訪：何永寧