行政會前日正式通過賭波合法化（規範化），由馬會做莊。呢一門係大生意，其中大新金融旗下嘅豐明銀行反應最快，今日會公布推出阿仙奴球會信用卡；咁醒目，肯定可以締做宣傳效果。
八方重記得今年暑假，大新主席王守業同佢個仔、豐明董事王祖興親自去英國傾妥合作推出利物浦球會信用卡，當時已經引起哄動，但聽聞反應一般。唔知今次佢哋借賭波合法化嘅聲勢，會唔會增加阿仙奴信用卡嘅受歡迎程度呢？可惜呢張信用卡係用嚟簽帳買嘢，唔可以用嚟下注，不過球市旺啲，可能會有多啲球迷申請張卡啫。
傳真︰2623-9278
電郵︰