國泰一班高層包括董事兼常務總裁陳南祿，噚日帶埋班記者，浩浩蕩蕩出發去法國南部圖盧茲接收一架新空中巴士A340-600飛機，重會坐架新飛機返港，當係啟航禮；梁錦松到時會去參加典禮。
呢次旅程都算一波三折，先係出發前法國航空交通控制員大罷工，「接收飛機團」好彩順利降落巴黎，入境時兩個揸中國護照嘅香港記者受到留難，法國海關要求出示回程機票，但記者坐架新飛機返港，咁又何來機票揸手呢？擾攘半句鐘，卒之由國泰公關大員班到張機票。
過咗海關，又輪到巴黎戴高樂機場大霧籠罩，呆等兩個鐘先可以轉機，不過到咗風景如畫、有RoseCity（玫瑰城市）之稱嘅圖盧茲，大家又覺得一切都值回票價。
（圖）阿松去法國之前，喺英國順道探吓渣打總裁戴維思。
傳真︰2623-9278
電郵︰