賭波合法化或者叫規範化嘅問題，終於喺福將何志平手上順順利利拍板出台，呢個叫時勢造英雄，林煥光恨都恨唔到。
其實八方最佩服何老兄一件事，就係佢唔知係膽粗粗吖，定係話當煲呔曾蔭權冇到，竟然喺建議上行會前一日，大鑼大鼓話會喺會上討論拍板，咁樣公開行會嘅議程，實在值得一讚。
以前就有過一個故事，話孫公本來已經準備好喺行會傾某個議程，點知俾傳媒早一日踢爆，煲呔大為震怒，即日取消議程，重要追究元兇，搞到大家冇晒癮。自此之後，就話行會有條不成文規矩，但凡洩露咗嘅議程，原本定咗上行會都要馬上抽起，押後討論，以令各政策局保守秘密。不過問責制之後，各局長直接向董特首負責，規矩可以不理，更何況煲呔身在外地，話之你啦。
傳真︰2623-9278
電郵︰