任職健康月刊雜誌市場主任的Kian，讀書時已有收集各類中藥剪報的習慣，最關心食甚麼對皮膚靚身材正，接觸得多，興趣油然而生，加上有當中醫師的姨丈做顧問，便嘗試以中藥材入饌。工作之外，還義務替雜誌教人煮藥膳，她說煮的時候要有恒心和耐性，在「換湯不換藥」的情況下，煮藥膳和吃中藥的共通點依然是──欲速不達！
記者：周麗懿攝影：陳盛臣
以前一提到用中藥調理身體，腦海中必然想起一碗碗黑漆漆的苦茶，近年藥膳愈來愈受歡迎，因為可以「寓食餸於養生」，要養生不再只局限於苦澀的良藥。Kian以藥材入饌已經成為家常便飯，買藥材等於買餸，家中的中藥俯拾皆是。買當然不難，不過講到要煮，就的確不是易事，例如各種中藥的配搭，以及和食物的協調，味道的控制等等。Kian就建議初初試煮的朋友，不宜落太多份量的中藥，「初初食可能會唔慣，所以份量好重要，當然亦要知道每種藥的藥性，如果藥性太勁，就要利用食物互相中和，亦都唔好一次過落好多唔同嘅中藥，要慢慢試，長期食對身體有一定的好處！」
天氣開始凍，街上又見羊腩煲的蹤迹。羊肉是冬天的大熱暖身餸料，可惜性燥，可配白蘿蔔中和。當然還有補血的當歸，有強心利尿和降血壓之效的生地，以及驅寒和暖身的花椒八角，經常手腳冰凍，血氣不足的女士們，食完包保變得暖笠笠。
材料：
羊肉 500克
白蘿蔔 1條
生地 15克
切片原枝當歸 15克
花椒 40粒
八角 4粒
生薑 2片
做法：
秋風颳颳颳，皮膚好易痕，搽成寸厚潤膚霜都只是治標不治本，若你的皮膚屬十級乾燥的話，就要多吃松子仁了，因松子具潤膚及驅除死肌之效，如果每日吃數粒，半年後皮膚就會逐漸呈現潤澤。這道菜除有松子外，還有滋陰補腎又明目的杞子，以及補腦的核桃，算補得相當全面。
材料：
雞肉 250克
松子仁 20克
杞子 10克
核桃仁 20克
薑 2片
葱花 適量
做法：
媽咪試味
餸菜和藥材的配搭都好唔錯，食物滲進少許的藥味，但又不太濃烈，很容易入口。
Kian家住九龍灣，平時會叫媽咪幫手買定材料，如果自己出動買料的話，就會到對面的啟業邨街市和商場，皆因可以買齊餸菜及藥材，超級市場都無咁方便，故實在不作別處想。
蘿蔔要重身
買藥材Kian就專業，不過買餸就唔及媽咪，所以她就一早問定點樣揀蘿蔔，阿媽教落原來蘿蔔最緊要夠重身，外表光滑就叫靚，左揀右揀終於買啱心水。
杞子要鮮紅
走出街市，再行入啟業邨商場的藥行，Kian要買杞子同黃芪，她一見到啲杞子，便說：「啲杞子要鮮紅色先至靚，黃芪中以黑擔芪較貴，揀靚貨要留意四邊要有黑邊綑住；中間黃色部份要實淨就正，至於揀切片嘅原枝當歸頭，記得摸摸個當歸頭，軟身嘅就新鮮。」果然一派專家口吻。