一年一度，寶馬代理專為電單車主而設嘅BikerParty，剛於11月22日假尖東海景嘉福酒店舉行，當晚除招待咗一眾寶馬電單車車主及嘉賓外，場內亦出現咗現行K、R及F系列嘅寶馬電單車；其中最新款嘅R1200CL當然成為全場焦點所在，配合多位宣傳女郎，更引來不少與會人士爭相合照呢！而除咗精美嘅食物外，當晚重有遊戲及抽獎活動，獎品非常豐富，令一眾車主們玩得非常高興，從而可見寶馬代理喺維繫車主嘅感情上果然有一手。 如果其他代理都為旗下品牌嘅車主，舉辦呢類聯誼活動就好喇！